അമൃതകിരണം

പുരാതനകാലം മുതല്‍ക്കേ മനുഷ്യനെ ബാധിച്ചിരുന്ന ഒരു രോഗമാണ് ക്ഷയം. പ്രധാനമായും മൈക്കോബാക്ടീരിയ ട്യൂബര്‍ക്കുലോസിസ് എന്ന ബാക്ടീരിയയുടെ അണുബാധമൂലമാണ് ക്ഷയരോഗം ഉണ്ടാകുന്നത്. ക്ഷയരോഗം പ്രധാനമായും ശ്വാസകോശങ്ങളെയാണ് ബാധിക്കുന്നതെങ്കിലും ശരീരത്തിലെ മറ്റ് അവയവങ്ങളേയും അത് ബാധിക്കാറുണ്ട്.

പ്രതിരോധകുത്തിവയ്പ്പുകൾ വഴി പൂര്‍ണ്ണമായി പ്രതിരോധിക്കാന്‍ കഴിയുന്ന ഒരു രോഗമാണ് ടെറ്റനസ്. ഈ രോഗത്തെ കുതിരസന്നി എന്ന് മലയാളത്തിലേക്ക് വിവര്‍ത്തനം ചെയ്യാവുന്നതാണ്. ബി.സി. 5-ാം നൂറ്റാണ്ടുമുതല്‍ തന്നെ ഈ രോഗത്തെക്കുറിച്ചുള്ള പരാമര്‍ശങ്ങളുണ്ട്. വലിയുക എന്നര്‍ത്ഥമുള്ള ടെറ്റനോസ എന്ന ഗ്രീക്ക് പദത്തില്‍ നിന്നാണ് ഈ രോഗത്തിന്‍റെ പേര് ഉത്ഭവിച്ചത്. മലിനമായതും, ആഴത്തിലുള്ളതുമായ മുറിവുകളിലൂടെ ശരീരത്തില്‍ പ്രവേശിക്കുന്ന ക്ലോസ്ട്രീഡിയം ടെറ്റനി  എന്ന ബാക്ടീരിയയാണ് ഇതിന്‍റെ രോഗഹേതു.

ഏതാനും മിനിറ്റുകൾ വരെ നീണ്ടു നിൽക്കുന്ന ശക്തമായ നിർത്താതെയുള്ള ചുമ രോഗിയെ പരവശനാക്കും . ശ്വാസം കിട്ടാതെ കുട്ടി വെപ്രാളപ്പെടും. ചുമയുടെ ഈ നീണ്ട  നിരയുടെ അവസാനം കുട്ടി ദീർഘമായി ശ്വാസമെടുക്കുമ്പോൾ “ വൂപ്പ് ” എന്ന ശബ്ദമുണ്ടാകും . ചുമയുടെ അവസാനം കുട്ടി വളരെയധികം കഫവും മുൻപേ കഴിച്ച ഭക്ഷണ സാധനങ്ങളും ഛർദ്ദിക്കാം. ദിവസം 10 -20 തവണ വരെ വന്നേക്കാവുന്ന ഈ ചുമ നിരകളാണ് വില്ലൻ ചുമയിലെ പ്രധാന വില്ലൻ.

ലോകത്തില്‍ ഏകദേശം 35-40 കോടി ആളുകള്‍ ഈ രോഗാണു വാഹകരാനെന്നാണ് കണക്കാക്കപെട്ടിട്ടുള്ളത്. ഓരോ വര്‍ഷവും 7,80,000 പേര് ഈ അസുഖം മൂലം മരണപ്പെടുന്നു. ഇന്ത്യയിലെ കണക്കെടുത്താല്‍, ജനസംഖ്യയുടെ ഏതാണ്ട് 3.5%, (4 കോടി ആളുകള്‍) ഈ രോഗാണു രക്തത്തില്‍ ഉള്ളവര്‍ ആണ്. ഓരോ വര്‍ഷവും 10ലക്ഷം പേര്‍ക്ക് പുതിയതായി ഈ അസുഖം വരുന്നു. ഹെപ്പറ്റൈറ്റിസ്  ബി മൂലം ഭാരതത്തില്‍ പ്രതിവര്‍ഷം ഒരു ലക്ഷം മരണം സംഭവിക്കുന്നു.

ഹിബ് (HiB) ബാക്ടീരിയ മൂലം ഉണ്ടാകുന്ന രോഗങ്ങൾ, പ്രത്യേകിച്ച് കുട്ടികളെ ഗുരുതരമായി ബാധിക്കും. ഇത്തരം രോഗബാധിതരുടെ എണ്ണം വളരെ ഫലപ്രദമായ ഹിബ് വാക്സിന്റെ കണ്ടുപിടുത്തത്തോടെ ലോകവ്യാപകമായി ഗണ്യമായി കുറഞ്ഞിട്ടുണ്ടെങ്കിലും, ഇതു മൂലമുള്ള രോഗബാധയും, മരണനിരക്കുകളും ഇന്നും ഒരു പ്രധാന ആരോഗ്യപ്രശ്നമായി നിലനില്‍ക്കുന്നു.

ലോകമാകമാനം ഏകദേശം രണ്ടുകോടി ആളുകളെ ബാധിക്കുന്ന, വളരെയധികം സാംക്രമിക ശേഷിയുള്ള ഈ രോഗം പ്രധാനമായും ബാധിക്കുന്നതു കുട്ടികളെയാണ്. വികസ്വരരാജ്യങ്ങളില്‍ ഈ രോഗത്തിന്റെ മൃത്യു ശേഷി രണ്ടു മുതല്‍ പതിനഞ്ചു ശതമാനം വരെയാണ്.